Pagregulate sa mga piggery diha sa Indahag gisugyot

SUPORTADO ni Konsehal Marlo Tabac ang ordinansa sa Barangay Indahag nga mag-regulate sa operasyon sa piggery o kadtong gapamuhi og baboy diha sa ilang dapit.

Sa tigom sa komite niadtong Martes, si Indahag SK Chairman John Floyd Labiano nibutyag nga tumong sa ordinansa nga ma-regulate ang mga piggery o operasyon sa gapamuhi og baboy tungod sa kadaghang reklamo nga ilang gakadawat gumikan sa baho ug mipasabot nga pinaagi unya sa maong ordinansa, ilang malukatan og permit ug ma-inspeksyon ang mga piggery nga anaa natukod sa ilang barangay.

Sa maong higayon, ang representante sa City Veterinary Office (CVO) mipadayag nga wala silay pagsupak sa maong ordinansa labina nga daghan na kaayong reklamo kabahin sa baho sa mga tangkal nga nakaapekto sa panglawas, apan ilang girekomendar nga ma-align kini sa kasamtangang Bantay ASF ordinance sa syudad ug kinahanglan pod nga makonsiderar ang zoning classification sa dapit.

Sa ilang bahin, ang City Local Environment and Natural Resources Office (CLENRO) namahayag nga wala silay supak sa maong ordinansa apan ang City Health Office misugyot nga kinahanglan nga sutaon ug iplastar ang zoning sa lugar kay kon kini residential dili gayod kini pwede tukoran sa tangkal o buhian sa baboy, segun sa balaod.

Niini, gihangyo sa komite ang maong mga buhatan sa pag-submit sa ilang mga written recommendation o’ observation   sa maong sugyot ordinansa aron kini iduso sa City Legal Office alang sa ilang dugang pagtuon. (JRG/SP)

Suan supak sa hydroelectric power project diha sa Besigan

“Eventually my stand is still the same. I am objecting and no more additional debates and arguments on the passage of a resolution imposing no objection to the Bulanog Batang Hydroelectric Power Project located at Barangay Besigan.”

Kini ang gibutyag ni Konsehal Aga Suan, minority floor leader sa konseho, atol sa miaging tigom sa komite sa pamalaod ug reglamento ubos ni Konsehal Edgar Cabanlas samtang gituki ang sulat hangyo sa Bukidnon Hydro Energy 𝖢𝗈𝗋𝗉𝗈𝗋𝖺𝗍𝗂𝗈𝗇.

Gipadayag sa konsehal nga aduna nay unang proyekto nga giaprobahan sa konseho—ang 𝖥𝖦𝖤𝖭 𝖲𝖺𝗇 𝖨𝗌𝗂𝖽𝗋𝗈 𝖧𝗒𝖽𝗋𝗈 𝖯𝗈𝗐𝖾𝗋 𝖢𝗈𝗋𝗉𝗈𝗋𝖺𝗍𝗂𝗈𝗇 diha sa Barangay Tignapoloan—diin gipamatud-an sa representante sa duha ka corporation nga eco-friendly ang maong mga proyekto.

Ang pangutana mao kon unsay epekto niini ngadto sa Cagayan de Oro River nga naa may duha nga nagpadagan sa parehas nga proyekto.

Hinaot nga ang ilang assessment dili makadaot sa istraktura sa suba. (RNQ/SP)

Emano hands in aid to Sitio Adela fire victims

Councilor Yevonna Yacine B. Emano brought aid to the families affected by the recent fire in Sitio Adela, Barangay Camaman-an, on June 9, 2026.

In response to the plight of the affected residents, Emano personally visited the area to assess the situation and extended assistance to families who lost their homes and belongings in the incident.

The relief effort aimed to provide immediate support and help ease the burden of those displaced by the fire.

The councilor emphasized the importance of standing with communities during times of crisis, assuring them that they are not alone as they begin rebuilding their lives. (JAO/SP)