IRR sa Digital Weighing Scale Ordinance gihingusgan ni Goking

GILANTAW nga mahatagan og mas hapsay nga pagpatuman sa gihatag nga transition period ngadto sa tanang mamaligyaay sa pag-ilis gikan sa ilang analog ngadto sa digital o electronic nga timbangan.

Gihingusgan ni Konsehal George Christopher Goking, chairman sa komite sa trade and commerce, ang pagpalig-on sa Implementing Rules and Regulations (IRR) alang sa pagpatuman sa Digital Weighing Scale Ordinance sa dakbayan.

Naglakip niini ang pagpahigayon og information drive/caravan, husto nga pagbutang sa mga label ug sealing stickers,  koordinasyon sa media, ug ang papel sa matag hintungdan nga opisina aron masiguro ang epektibo ug hapsay nga implementasyon sa maong ordinansa.

Kini nga lakang gitumong aron mapalig-on ang transparency, mapanalipdan ang katungod sa mga konsumedor, ug mapasiugda ang patas ug matinud-anong pamatigayon.

Niini kusganong nagpasalamat si Konsehal Goking sa tanang personahe sa hintungdan buhatan sa City Hall sa matinud-anong pag-abag nila ni Atty. Rechiene Aguhob sa Local Finance Committee, Jessica Rabia (CEEBDA–Carmen), Mary Molig, Gina Madrelejos, Julius Tasarra, Maan Tagarda (CEEBDA–Cogon), Jane Abejo (CEEBDA–Puerto), Eugene Estipona (City Treasurer's Office), Jason Adaza (City Legal Office), Atty. Elbino Tagarda Jr. (City Administrator's Office), Loraine Brillantes (DTI Misamis Oriental), ug Atty. Egay Uy (Regulatory Compliance Board) sa ilang bililhong tambag, kooperasyon, ug padayon nga suporta sa pagpanalipod sa mga konsumedor ug sa mga lehitimong negosyo. (RNQ/SP)