Esparcia mihangyo masayo pag-release sa health emergency allowance

Hugot nga gihangyo ni Konsehal Bernie Esparcia, chairman sa komite sa climate change, nga kun mahimo mapasayo ang pagtunol sa Health Emergency Allowance (HEA) ngadto sa mga eligible health care workers ug mga non health care workers nga nagsilbi niadtong panahon sa pandemya sa Covid 19.

Kini ang panawagan sa konsehal sa milabayng sesyon sa konseho nga gidumala ni Bise Mayor Bebot Rodriguez human giuyonan ang ordinansa na nagcompirma ug nagpalig-on sa Memorandum of Agreement (MOA) tali sa kagamhanan sa syudad ug Center for Health Development -Northern Mindanao , (CHD-NM) alang sa pagrelease sa maong allowance.

Gipasabot ni Esparcia nga subay sa giuyonang MOA mahatag ang benepisyo sa dili pa mag-Disyembre ning tuig hinungdan nga iyang gihangyo nga kun mahimo mapasayo kini ug dili na maabtan pa sa Disyembre tungod kay dugay usab nga gipaabot ang mga nagsilbing mga kawani.

Nanghinaot usab ang konsehal nga mahatag na kini sa labing daling panahon.

Segurado ako nga naminaw ang mga health workers nga eligible ani ingon man mga non-health care workers nga kuyog nga nagsilbi niadtong panahon sa Covid-19 ug malipay nga madawat na nila ang bugti sa ilang panerbisyo, pamahayag ni Esparcia.

Goking, CPCC, Fil-Chi Chamber of Commerce conduct info drive on consumer’s rights

Councilor George S. Goking, chair of both the City Council committees on ways and means and on trade and commerce, together with the Cagayan de Oro City Local Price Coordinating Council (CDO CPCC) members, and representative of the CDO Fil-Chi Chamber of Commerce conducted information and education session on consumer rights and responsibilities among consumers (senior citizen, PWDs, solo parents) in Barangay Lapasan.

The activity is in collaboration with the Department of Trade and Industry Misamis Oriental office. Councilor Goking cited the information drive so as to monitor the prices of goods and other products in the city for the benefit of the consuming public.

The CDO-CPCC emphasized the right of customers and how they can avail of discounts. The CDO-CPCC is chaired by City Mayor Rolando A. Uy with Atty. Egay Uy, as vice-chair.

16 classroom sa Bulua Nat’l High Bldg gisubhan

Si Konsehal Suzette Magtajas-Daba, chairman sa komite sa edukasyon, hugot nga mipasalamat sa administrasyon ni Mayor Klarex Uy sa tinguha nga mahatagan sa komportableng tunghaan nga hitsas sa facilidad ang kabataan sa Barangay Bulua.

Kini human gisubhan sa miaging adlaw ang bag-ong upat ka andanang edifisyo nga adunay 16 ka lawak saringan sa Bulua National High School. Ang konsehala mibutyag nga ang maong edipisyo dako og ikatabang sa kabataan aron makabaton sa de kalidad nga edukasyon dili lamang sa Barangay Bulua kun dili lakip na sa kasikbit nga mga dapit.

Gipasayon na sa gobyerno ang pagtungha sa kabataan pinaagi sa pagtukod og mga tunghaan diha mismo sa ilang mga tugkaran, dugang ni Konsehal Suzette.

Niini, siya malaumon nga pinaagi sa pagpatuman sa mga susamang proyekto daghang kabataan ang makakab-ot sa ilang gipangandoy nga hayag nga kaugmaon ug mapahimoslan sa mga magtutudlo agi’g tubag sa kakulangon sa mga lawak saringan dala sa pagdaghan sa mga tinun-an sa dapit.