Salcedo nagplanong amendahan ang ordinansa batok colorum nga bao-bao

GITAKDANG ipa-amendar ni Konsehal Eric Salcedo, chairman sa komite sa public utilities, ang pagpang-dakop sa bao-bao nga colorum nga nagbiyahe dinhi sa syudad ug planong patas-an ang multa gikan sa P1,500 ug tulo (3) ka bulan nga pag-impound sa sakyanan sa unang kalapasan, unom (6) ka bulan nga pagka-impound sa ikaduhang kalapasan samtang siyam ka bulan (9)  nga pagka-impound sa ika-tulong kalapasan ug dugang P5 mil nga multa.

Sumala ni Salcedo nga tungod sa kagamay sa multa alang niadtong mga malapason sa balaod sa trapiko, magbalik -balik ang ilang salaod ang mga bao-bao owners tungod kay pwede man silang makahangyo subay sa ordinansa sa syudad sa 30% nga diskwento ug community service ug gamay na lang ang mabayaran.Tungod niini nga problema, tun-an sa komite nga ma-amendahan ang traffic code alang sa maong katuyoan ug gilaumang mapatuman kini sugod sa bulan sa Oktobre ning tuig.Malaumon si Konsehal Eric Salcedo nga sa maong paagi, mapakgang ug maminusan na ang mga namasahero nga mga colorum dinhi sa syudad. (MLR/SP)