Esparcia misugyot ipatubag ang COWD board members

“GIKINAHANGLAN nga ipatawag ug makuhaan sa ilang mga pamahayag ang mga Board Members sa Cagayan de Oro Water District (COWD) niadtong  panahon nga misulod silag kontrata sa MetroPac.”

Kihi ang gibutyag ni Konsehal Bernie Esparcia, Chairman sa Komite sa Climate Change, atol sa gipahigayong tigom sa Committee of the Whole sa miaging semana nga gidumala ni Konsehal Edgar Cabanlas.

Mibutyag  ang konsehal nga klaro kaayo nga gansi ang syudad ug ang mga katawhan sa maong kontrata.

Gipasabot usab ni Kosehal Esparcia nga  gitangtang sa COWD ang Rio Verde tungod  wala makapasar sa  teknikalidad  sa ilang mga fasilidades sumala sa giluwatang  findings sa Commission On Audit. Apan  taliwala niini,  gipasulod hinoon nila ang MetroPac nga mahimong supplier sa tubig sa syudad nga wala man gani kini mga kagamitan ug mikuha ra gihapon sa supply  sa tubig ngadto sa Rio Verde.