Esparcia mipahimangno batok sunog

HUGOT nga gipahimangno ni Konsehal Bernie Esparcia, Chairman sa Komite sa Climate Change sa Konseho, ngadto sa katawhan ang hingpit nga pagmatngon aron malikayan ang sunog  labina  nga labihan kainit ang panahon.

Kini nga pahinumdom  sa konsehal nunot usab sa selebrasyon sa Fire Prevention Month ning bulan sa Marso.

Mipasabot si Konsehal Esparcia nga kinahanglan nga  likayan gayud  ang paghaling haling sa mga sagbot kay gawas  nga mahimo kining hinungdan sa sunog  maprotektahan usab  ang kinaiyahan.

“Mag-amping ug magmabinantayon kita kanunay aron maiwas ang tanan  sa mga panghitabo sa sunog” dugang pamahayag ni Konsehal Esparcia.