Programa sa kabatan-onan sa Mambuaya giuyonan sa Konseho

HINGPIT nang maimplementar ang mga programa sa Sangguniang Kabataan sa Barangay Mambuaya ning syudad.

Kini human ang konseho sa sesyon niadtong Lunes nga gidumala ni Bise Mayor Bebot Rodriguez hiniusang nagpalabang og resolusyon nga nag-aprobar sa gidusong SK Annual Budget sa maong barangay  nga mokabat sa P1,385, 762

Tipik sa ilang gigahinan sa maong budget ang programa sa edukasyon, panglawas, kinaiyahan, active citizenship, social inclusion, agriculture, governance ug daghan pang uban.

Gisuportahan ni Konsehal Kenneth John Sacala, chairman sa komite sa youth and sports development ang maong lakang human nakita nga kini nahiuyon sa balaod ug dako kaayo og ikatabang sa mga programa sa kabatan-onan sa maong barangay.

Ang resolusyon nga gisagop sa konseho alang sa maong katuyoan gipaluyohan sa komite sa youth  ug komite sa pamalaod ug reglamento ubos ni Konsehal Edgar Cabanlas. (JRG/SP)