Patag SK budget giuyonan sa Konseho

HINIUSANG gisuportahan  sa Konseho sa dakbayan ubos ni Bise Mayor Bebot Rodriguez ang mga programa ug kalihokan sa Sangguniang Kabataan sa Barangay Patag ning  syudad.

Kini human ang konseho sa sesyon kagahapon nagsagop og resolusyon nga nagdeklara sa gidusong ordinansa nga may kalabutan sa ilang 2026 SK Annual Budget mga mokabat sa P2,510,539.00 nga mahimong nang ipatuman sa labing daling panahon.

Tipik sa gigahinan sa barangay sa maong budget mao ang programa sa panglawas, edukasyon, empowerment, social inclusion, environment, active citizenship, governance ug peace and security program.

Ang resolusyon nga gipalabang sa konseho alang sa maong katuyoan gipaluyohan sa komite sa youth and sports development ubos ni Konsehal Kenneth John Sacala ug komite sa pamalaod ug reglamento ni Konsehal Edgar Cabanlas. (JRG/SP)