Programa sa SK Tagpangi gisuportahan sa Konseho

WALAY hunong ang konseho sa syudad ubos ni Bise Mayor Bebot Rodriguez sa pagsuporta sa mga programa sa kabatan-onan sa syudad.

Kini sa tinguha nga matunol gayud ang de-kalidad nga mga programa alang sa dugang kaarangan sa sector sa mga batan-on.

Sa sesyon sa konseho niadtong Lunes, gipalabang sa konseho ang resolusyon nga nag-aprobar sa gidusong 2026 Annual Budget sa Sangguning Kabataan sa Tagpangi nga mokabat sa P730,048 gikan sa Enero ngadto sa Disyembre ning tuig alang sa implementasyon.

Tipik sa  gigahinan sa maong budget mao ang programa  sa panglawas nga mokabat sa P205 mil; edukasyon, P8mil; peace building activity, P5mil; governance, P110 mil; ug active citizenship, P25 mil.

Ang resolusyon nga gipalabang sa konseho alang sa maong katuyoan gipaluyohan sa komite sa youth and sports development ni Konsehal Kenneth John Sacala ug komite sa pamalaod ug reglamento ubos ni Konsehal Edgar Cabanlas. (JRG/SP)