Konsehal Go nagpadayag sa dakong suporta sa CHEMCO

TALIWALA nga daghang kapunongan ang wala makalahutay, anaa ang City Hall Employees Multipurpose Cooperative kun CHEMCO nga   nagpabiling lig-on ug nagbarog.

Kini ang unod sa mensahe ni Konsehal Gilda Go, chairman sa komite sa cooperative sa Konseho, atol sa gipahigayong asembliya niadtong Marso 22 diha sa Atrium, Limketkai Center.

Gibutyag  sa konsehal nga ang maong  selebrasyon usa ka timaan sa pag-uswag ug dili lang kini hisgotanan mahitungod sa financial report.

Kini selebrasyon sa mga panimalay nga natukod, mga anak nga nakahuman sa pagtungha ug mga damgo nga natuman tugod kay ang maong kooperatiba nagtinabangay.

Gipasabot ni Go nga sulod sa City Hall usahay mailhan lang ta diha sa atong mga departamento o designation apan diha sa CHEMCO usa ra gyod ka pamilya.“Progress is a collective effort, matag higayon nga kita mag-share, matag higayon nga kita mobayad sa atong obligasyon ug sa matag higayon  nga moadto sa general assembly, we are proving one thing, walay imposible basta magkahiusa,” pamahayag ni Konsehal Go. (JRG/SP)