top of page

Esparcia nangusog masolusyonan kakulangon sa panubig

NANGUSOG  si Konsehal Malvern  Esparcia, Chairman sa Komite sa Climate Change Adaptation  and Mitigation and Risk Reduction,  nga  matabangan ang mga mag-uuma sa hinterland barangays sa ilang problema  sa panubig  ingon man mahatagan  sa  prayoridad nga makapamaligya  diha sa vegetable landing area.


CdeO City Councilor Malver "Bernie Bitok Bitok" A. Esparcia

Mahinumdoman nga  sa tigom sa miaging semana, gidungog sa komite  ang mulo ug opinyon sa mga kapitanes aron mahibal-an ang  mga kakulangon ug kon unsay mahimong matabang sa kagamhanan ngadto kanila ning panahon sa ting-init.


 Sa iyang bahin, ang representante sa Agricultural Productity Office (APO) mibutyag nga  aduna na silay gihimo nga inspeksyon ug ilang nasuta  nga adunay mga springs nga makuhaan sa tubig  nga mahimong makasuporta sa  mga tangke ug reservoir.


Hinoon ilang giklaro nga sa  pagkakaron ang  giplanong proyekto sa panubig nagkinahanglan og  igong pundo aron mapalit ang gikinahanglang mga  kahimanan  sama sa tubo nga maoy mokonektar paingon sa tanke ingon man magamit alang sa drip irrigation.

Comentários


bottom of page