Cabaring nangusog masulbad bangi sa 2 tribal councils

NANINGUHA karon si Konsehal Roberto Cabaring, chairman sa komite sa cultural communities, nga masolbad ang panagbangi sa doluna tali sa Tribal Council sa Barangay FS Catanico ug Tablon ning dakbayan.

Sa tigom sa komite kagahapon, ang duha ka panig mipadayag sa ilang tagsa tagsa ka huna-huna ug nagsinukliay sa mga baroganan.

Segun sa representante sa National Commission on Indigenous People (NCIP) nga ang pagsolbad sa panagbangi sa maong duha ka tribal council angayan kini himoon didto mismo sa komunidad aron kini hingpit nga malingkoran ug matambongan sa mga hintungdang ahensya sa kagamhanan.

Matod ni Konsehal  Cabaring  nga suportado niya ang pagsolbad sa problema sa doluna sa maong duha ka tribal council alang sa  kalinaw  ingon man panaghiusa hinungdan iyang gisuportahan ang gisugyot nga mediation nga tambongan NCIP ug sa mga hintungdan nga tribal council.

Niini, gipaabot mopadala og komunikasyon ang komite ngadto sa duha ka panig alang sa ipahigayon nga mediation. (JRG/SP/Photos from Councilor Cabaring FB page)