Dansolihon Tribal Council mihangyo nga matakdaang interfacing sa ancestral domain protection plan

KONSIDERAHON sa Komite sa Cultural Communities ubos ni Konsehal Roberto Cabaring ang sulat ni Floro Lirongan o Datu Salisik, Pangabagang Datu sa Nahilaran Dansolihon Ancestral Domain sa Dansolihon Tribal Council.

Sa ilang sulat, si Datu Saliksik  mihangyog eskedyul alang sa interfacing sa ilang Ancestral Domain Sustainable Development and Protection Plan (ADSDPP) kauban ang lokal nga kagamhanan sa dakbayan.

Sumala pa nga kini alayon sa leveling session nga ilang gipahigayon uban ang personahe City Planning and Development Office (CPDO) niadtong Hulyo 25 didto sa Tulogan Tribal Village sa Dansolihon.

Segun sa ilang assessment, sila nagtuo nga gikinahanglan nga matakda na gayod kini nga interfacing labina nga ang amendments sa kanhi giuyonang Comprehensive Land Use Plan (CLUP) gitakda na sa ikaduhang semana ning bulan sa Agosto ug sila nanghinaot nga ang maong plano makonsidera ug malakip  sa CLUP sa dakbayan. (JRG/SP)