Abbu suportado mga paugnat sa kusog sa kabaranggayan

“DIHA sa pagmugna og mga sports activities sa barangay makapahiusa sa mga kabatan-onan ug makapaagni kanila sa pagpakiglambigit sa mga kalihokan sa maong barangay.”

Kini ang  mensahe ni Konsehal Joey Abbu, Jr., Chairman sa Komite sa Labor sa Konseho,  atol sa iyang pagtambong  sa flag raising ceremony niadtong Lunes diha sa Barangay Balulang.

Matod sa konsehal nga dako ang iyang suporta sa mga kalihokan sa paugnat sa kusog sa kabaranggayan kay gawas nga mapalambo niini ang tagsa-tagsa ka talento makatabang usab kanila malayo sila sa  dautang mga bisyo sama sa  gidiling druga.

Niini,  mitunol  si  Konsehal  Abbu  og   mga bola  sa basketball ug volleyball  aron magamit  diha sa  ilang barangay  samtang  sa susamang higayon mipahurar sa mga  bag-ong  opisyales sa Green Heights Women’s Association.