Giaprobahan sa konseho ning dakbayan atol sa regular nga sesyon niadtong Lunes nga gidumala ni Acting Bise Mayor Konsehal Roger Abaday ang usa ka resolusyon nga nagdeklarang hingpit nga magamit ang tinuig nga budget sa Sangguniang Kabataan (SK) sa Barangay 31.
Ang maong tinuig nga budget nga nagkantidad og ₱405,831.00 ipundo alang sa mga programa ug serbisyo nga maghatag og kaayohan sa kabatan-onan sa maong barangay.
Nasayran nga ang pundo i-apud-apod ngadto sa lima ka importanteng prayoridad nga programa nga gilangkoban sa mga serbisyo sa panglawas ug adolescent sexual reproductive health; paghatag og patas nga access alang sa kalidad nga edukasyon; kampanya batok sa gidiling droga; pagpauswag sa katakos sa kabatan-onan; ug proteksyon sa kalikopan ug pagpahiangay sa kausaban sa klima.
Ang maong resolusyon nga gisagop sa konseho alang sa maong katuyoan gipaluyohan sa komite sa youth and sports development ni Konsehal Kenneth John Sacala ug komite sa pamalaod ug reglamento ubos ni Konsehal Edgar Cabanlas. (JRG/SP)
DAKONG kalamboan ang gilaoman sa natad sa pabalay ug patigayon sa dakbayan sa Cagayan de Oro human gipalig-on ni Konsehal George Christopher Goking, chairman sa komite sa trade and commerce, ang pakig-alayon sa mga Real Estate Brokers Association of the Philippines (REBAP).
Isip nagrepresentar ni Mayor Rolando “Klarex” Uy, mainitong giabiabi ni Konsehal Goking ang mga delegado sa REBAP Metro CDO Officers Rochie Lorono (Treasurer) ug Josephine Solijon (VP for Business); ug REBAP National Officers Carla Calleja (President), Mary Jane Vicente (Internal), Richard Uy (Treasurer) ug real estate service practitioners sa nasod.
Gipadayag ni Konsehal Goking ang iyang dakong pagpasalamat sa maong sektor kay dako og papel ang mga real estate brokers sa paggiya sa mga investors ug pagdani og mas daghang kapital nga mosulod sa syudad, ilabi na karon nga naila ang Cagayan de Oro isip nag-unang economic ug investment hub sa Northern Mindanao.
Gisentro sa maong tigom ang pagpahiuyon sa mga kalamboan sa real estate ngadto sa mas dako nga mga tumong sa ekonomiya.
Nag-abri usab kini sa dalan alang sa mas lig-on nga kooperasyon uban sa Oro Trade and Investment Promotion Center (OroTIPC) ug sa City Tourism and Cultural Affairs Office.
Gipasalig sa konsehal nga bukas ug andam kanunay ang kagamhanan, ubos sa pamunoan ni Mayor Uy, sa pakig-alayon sa mga real estate brokers aron masiguro nga hapsay, makiangayon, ug mapuslanon alang sa tanan ang mga palisiya sa pabalay, zonal valuation, ug ang hisgotanan sa real property tax.
Pinaagi sa maong panagtigom, gilauman nga mas molig-on pa ang public-private partnership (PPP) tali sa kagamhanang lokal ug sa real estate sector aron makab-ot ang malungtarong paglambo, pagmugna og dugang trabaho, ug paghatag og de-kalidad nga pabalay alang sa mga lumulupyo sa dakbayan. (RNQ/SP)
The City Council committee on subdivision, housing development, and landed estate chaired by Councilor Edgar S. Cabanlas has endorsed the payment to the lot owner whose property development was affected by a city project.
The project involves the construction of an open drainage system including the proposed 12-meter widening of Tambo-Biasong road in Barangay Macasandig.
As part of the process, the committee noted the issuance of the necessary certifications from the City Budget Office, Local Finance Committee, and Appraisal Committee to support the payment.
The move aims to address the property owner’s concerns while ensuring compliance with government procedures.
The committee referred the matter to the committee on laws and rules chaired by Councilor Cabanlas for appropriate action. (JBD/SP)
