top of page

Suporta sa LGU ngadtos rice retailers giawhag

DAKO ang pasalamat ni Konsehal George Goking, Chairman sa Komite sa Trade and Commerce, sa giluwatang memorandum sa Department of Interior and Local Government (DILG) nga nanawagan sa suporta sa mga lokal nga kagamhanan ngadto sa mga rice retailers nga naapektohan sa gipakanaug nga EO 39 sa presidente sa nasud nga nagmando sa price ceilings sa bugas.


Lakip sa gisugyot nga posibleng suporta sa lokal nga kagamhanan mao ang pagtanyag og diskwento sa abangan, pagpanas sa market rental fees, ug pagpalabang og moratorium sa rental payments alang sa mamaligyaay og bugas sa kamerkadohan sulod sa duha ka semana ngadto sa usa ka bulan depende sa makitang mauyonan nga panginahanglan sa mga mamaligyaay sa bugas.

Ang maong memorandum naglatid usab sa gikinahanglang suporta sa Department of Trade and Industry (DTI) ug Department of Agriculture (DA) ngadto sa mga apektadong mamaligyaay sa bugas.


Ang maong memorandum sa DILG gipaabot hisgutan sa komite ni Goking sa tigom sa umaabot Septembre 26, 2023 sa alas 2 sa hapon dinha sa hawanan sa konseho.


Commentaires


bottom of page