Standardized BDRRMFIP, uniform report system sa BDRRMF tukion

GIPAABOT nga konsiderahon sa komite sa climate change adaptation and mitigation and disaster risk reduction ni Konsehal Paolo Gaane ang City Disaster Risk Reduction Management Council (CDRRMC) Resolution No. 005-2025.

Kini kabahin sa pagsagop sa standardized Barangay Disaster Risk Reduction and Management Fund Investment Plan (BDRRMFIP) ug sistema sa pagreport sa paggamit sa Barangay Disaster Risk Reduction and Management Fund (BDRRMF).

Ang CDRRMC nag-ila sa kamahinungdanon sa pag-institutionalize sa uniform reporting system aron mas dali ang pagmonitor sa disaster fund.

Sa pagtuki unya sa maong resolusyon, si Konsehal Gaane magadapit sa tanang sakop sa komite, mga hintundang ahensya ug mga buhatan sa city hall aron madungog ang ilang panahom ug rekomendasyon. (RNQ/SP)