Standardized BDRRMFIP, uniform report system sa BDRRMF giuyonan

HINIUSANG giuyonan sa Konseho atol sa ilang sesyon niadtong Lunes nga gidumala ni Bise Mayor Bebot Rodriguez ang ordinansa nga nagsagop sa standardized Barangay Disaster Risk Reduction and Management Fund Investment Plan (BDRRMFIP) ug sistema sa pagreport sa paggamit sa Barangay Disaster Risk Reduction and Management Fund (BDRRMF) alang sa otsenta (80) ka barangay sa Dakbayan.

Si Konsehal Paolo Gaane, chairman sa komite sa climate change adaptation ug mitigation, mibutyag nga pinaagi sa maong ordinansa, giila sa syudad ang kamahinungdanon sa pag-institutionalize sa uniform reporting system aron mas dali ang pagmonitor sa disaster fund.

Ang ordinansa nga gisagop alang sa maong katuyoan gipaluyohan sa komite sa climate change adaptation ug mitigation ni Konsehal Gaane ug sa pamalaod ug reglamento ubos ni Konsehal Edgar Cabanlas. (RNQ/SP)