Kom sa climate change magtigom karong Biernes

SA unang higayon, magtigom karong Biernes sa alas 2:00 sa hapon ang komite sa climate change adaptation and mitigation and disaster risk reduction ubos ni Konsehal Paolo Nicolo Gaane.

Tipik sa ilang tukion mao ang paghatag katungod ni Mayor Klarex Uy pagpirma sa Memorandum of Understanding (MoU) tali sa Asia Society for Social Improvement and Sustainable Transformation (ASSIST).

Kini kabahin sa pakigtambayayong sa siyudad sa pag-mainstream sa edukasyon sa pagdumala sa disaster risk management pinaagi sa Master of Disaster (MOD) board game nga mahimong himan sa mga miyembro sa komunidad sa kahibalo ug kahanas sa pagpangandam sa katalagman.

Gilauman ni Konsehal Gaane nga motambong sa  tigom ang mga sakop niini nga sila si Konsehal Antuy Pascual, Jing Daba, Kenneth John Sacala, Des Dahino, Edgar Cabanlas, Aga Suan, Bise Mayor Bebot Rodriguez, ug mga hepe sa buhatan sa City Hall, sila si City Administrator, Atty. Roy Raagas, CDRRMD Officer in Charge Nick Jabagat ug City Legal Officer Atty. Kenneth Tamala aron makuha ang ilang opinyon alang sa tukmang rekomendasyon. (RNQ/SP)