SK budget sa Nazareth giaprobahan sa konseho

Gisuportahan sa konseho sa dakbayan ubos ni Bise Mayor Bebot Rodriguez ang mga programa sa kabatan-onan sa Barangay Nazareth.

Sa sesyon sa niadtong Lunes, hiniusang gisagop konseho ang resolusyon nga nag-aprobar sa 2026 Annual Budget sa Sangguniang Kabataan sa maong barangay nga mokabat sa P2,240,707.

Tipik sa ilang gigahinan ug gihatagan sa prioridad mao ang programa sa panglawas, edukasyon, economic empowerment, social inclusion and equity, peace-building and security, governance, active citizenship, environment ug agriculture.

Si Konsehal Sacala, chairman sa youth and sports development, mibutyag nga iyang gisuportahan ang maong lakang tungod kay dako kaayo kini og ikatabang  sa kabatan-onan aron mapalambo ang ilang kinabuhi.

Ang resolusyon nga gisagop sa konseho alang sa maong katuyoan gipaluyohan sa komite sa youth ni Konsehal Sacala ug komite sa pamalaod ug reglamento ubos ni Konsehal Ed Cabanlas. (JRG/SP)