Sacala padayong nangusog madungog tingog sa kabatan-onan

GITINGUHA ni City SK Federation President Konsehal Kenneth John Sacala nga madungog ug makonsiderar gayod ang tingog sa kabatan-onan diha sa pagplano alang sa kalamboan.

Sa gipahigayong ika-10 nga regular session sa Oro Youth Development Council (OYDC) sa milabyang semana, gibutyag sa konsehal nga magpadayon ang council nga magsilbing mahinungdanong plataporma nga diin ang mga idea mamahimong aksyon sa pagsiguro nga ang tingog sa kabatan-onan mao ang sentro sa lokal nga kalamboan.

Samtang gitutukan  usab atol sa maong tigom ang pag-align sa kasamtangang mga inisyatibo  aron nga mas labing matubag ang inadlaw adlaw nga panginahanglanon  sa kabatan-onan sa dakbayan.

Niini, gipasabot ni Sacala  nga sa pagpanguna sa maong diliberasyon gitumong aron ang matag-batan-on adunay suporta ug kahigayonan  nga sila molambo. (JRG/SP)