Annual Budget sa SK Baikingon giaprobahan sa Konseho

HINGPIT mapatuman sa Sangguniang Kabataan sa Barangay Baikingon ang ilang mga programa ug proyekto karong tuig 2026.

Kini human ang Konseho sa miaging sesyon sa nisagop og resolusyon nga nagdeklara sa Barangay Resolution No. 001-2026 nga may kalabotan sa ilang 2026 Annual Budget nga mokabat sa P868,869.00 nga mahimo nang maimplementar sa labing dali nga panahon.

Tipik sa gipundohan sa maong budget ang programa sa health balor P119,135, education balor P32 mil, environment balor P14 mil, governance balor 50 mil ug social inclusion nga mokabat sa P350 mil.

Ang maong resolusyon miagi sa makuting deliberasyon sa mga hintungdang  komite ug nasuta nga mahimo kining maimplementar  alang sa dugang  kaarangan sa kinabuhi sa kabatan-onan.

Ang resolusyon nga gisagop sa konseho alang sa maong katuyoan gipaluyohan sa komite sa youth and sports development ni Konsehal Kenneth John Sacala ug komite sa pamalaod ug reglamento ubos ni Konsehal Edgar Cabanlas. (JRG/SP)