Reklamo batok barangay kagawad gibasura

HINIUSANG giuyonan sa konseho ang resolusyon atol sa sesyon sa Lunes nga gidumala ni Bise Mayor Bebot Rodriguez ang pagsagop sa order sa komite sa ethics and blue ribbon sa BR Case No. 2026-05, nga nag-ulohan: “Concerned Citizen (Complainant) versus Hon. Noel Che Guevarra, Barangay Kagawad sa Barangay Bugo (Respondent).

Kini may kalabotan sa alegasyon sa disgraceful and immoral conduct ubos RA 6713, malicious mischief ubos sa Article 327 ug grave threats ubos sa Article 282 sa Revised Penal Code.

Gibasura sa komite ang maong kaso tungod sa kapakyasan sa nagreklamo sa pagsunod sa mga pamaagi nga nasulod lagda sa committee on ethics and blue ribbon.

Ang maong resolusyon gipaluyohan sa komite sa ethics and blue ribbon ug komite sa pamalaod ug reglamento ubos ni Konsehal Ed Cabanlas. (RNQ/SP)