Programa sa kabatan-onan sa Macasandig mapatuman

Mapatuman na sa Sangguniang Kabataan sa Barangay Macasandig ang mga programa alang sa kabatan-onan sa ilang barangay.

Kini human ang konseho sa sesyon niadtong Lunes nga gidumala ni Bise Mayor Bebot Rodriguez hiniusang mipalabang og resolusyon nga nag-aprobar sa gidusong resolusyon sa maong barangay nga may kalabotan sa ilang 2026 SK Annual Budget nga mokabat sa P3,577,685.

Tipik sa ilang gipundohan mao ang programa sa panglawas, edukasyon, economic empowerment, social inclusion and equity, peace-building and security, active citizenship, environment, global mobility ug uban pang programa nga gilantawng magdalag kaayohan sa kabatan-onan.

Ang resolusyon nga gipalabang sa konseho alang sa maong katuyoan gipaluyohan sa komite sa youth and sports development ni Konsehal Kenneth John Sacala ug komite sa pamalaod ug reglamento ubos ni Konsehal Edgar Cabanlas. (JRG/SP)