top of page

Oro Youth Code tun-an sa CLO

2018

Tun-an sa buhatan sa City Legal (CLO) ang sugyot pag-amendar sa Oro Youth Code of 2018. Kini human giduso sa Komite sa Sports and Youth Development ni Konsehal John Michael Seno, sa milabayng tigom, ang maong sugyot aron mahatagan sa legal nga opinyon.


Pipila sa mga gisugyot nga kabag-ohan mao ang mga tahas sa Oro Youth Development Council (OYDC) nga maglakip sa pagmonitor ug evaluate sa nagkadaiyang programa ug proyekto nunot sa naaprobahang Local Youth Development Plan (LYDP).

Gitahasan usab ang Oro Youth Development Office sa paghatag og technical assistance ngadto sa OYDC dinha sa pagmugna sa LYDP, pagpahigayon og mandatory continuing training sa mga opisyal sa SK ug mga sakop sa OYDC subay sa programa nga gidesinyo ug gipatuman sa Komisyon ug DILG ingon man pagtambong sa tinuig nga Oro Youth Leaders Convergence.


Sa susamang higayon, giduso ni Seno ngadto sa Komite sa Pamalaod ang paghatag og cash incentives sa tanang Kagay-anong midaog sa national ug international tournaments o’ competitions sa tanang matang sa paugnat sa kusog.


Ang maong tigom gitambongan nila ni Konsehal Imee Moreno, Aga Suan, ug Yvy Emano.





ความคิดเห็น


bottom of page