Ordinansa bahin sa digital weighing scale padayong tun-an sa komite ni Goking

PADAYONG tun-an sa komite sa trade and commerce ubos ni Konsehal George Christopher Goking ang sugyot ordinansa bahin sa digital o electronic weighing scales nga gigamit sa mga mamaligyaay diha sa merkado ug uban pang establisemento.

Kini human gituki sa komite ang seksyon sa ordinansa kabahin sa multa alang niadtong makalapas sa maong balaod.

Ang representante sa City Economic Enterprise and Business Development Administration (CEEBDA) miklaro sa status sa mga ambulant vendors sa syudad nga pwede ra sila mamaligya sa gitugot nga dapit, ug magbayad sa “sukay” apan adunay pag-profile kanila aron adunay record ang buhatan.    

Niini gitahasan sa komite ang secretariat sa pagsumite sa final draft ngadto sa City Legal Office alang sa dugang pagrepaso ug pagtuon sa maong sugyot ordinansa.

Ang maong tigom gitambongan nila ni Minority Floor Leader, Konsehal Aga Suan ug Konsehal Hilda Go.