Eco-adventure tourism spot dihas Baikingon suportado ni Goking

Si Konsehal George Christopher Goking, chairman sa komite sa pamatigayon ug komersyo sa konseho, hugot nga misuporta sa planong eco- adventure tourism destination diha sa Barangay Baikingon.

Kini ang gibutyag ni Goking human si Konsehal Girlie Balaba mitaho nga ang  Bungkalalan River sa Barangay Baikingon adunay potensyal nga mahimong eco-adventure destination nga makadani sa mga bisita sa dakbayan sa Cagayan de Oro.

Ang konsehal mipadayag sa iyang suporta kay pamilyar siya sa maong dapit tungod kay kaniadto nagpahigayon siya og susamang pagtuon sa nasangpit nga suba isip thesis panahon sa iyang pagtungha sa kolehiyo.

Andam siya motanyag sa iyang serbisyo alang sa kalamboan sa natad sa turismo. (RNQ/SP)