MOU pag-estabilisar sa coastal weather monitoring, giaprobahan sa konseho

HAYAN labing mapalambo sa kagamhanan ang pagmonitor sa lakat sa panahon diha sa kadagatan.

Kini human ang konseho sa sesyon niadtong Lunes nga gidumala ni Bise Mayor Bebot Rodriguez  mipalabang sa Ordinance No. 14748-2024 nga naghatag og pagtugot ni Mayor Rolando A. Uy, kinsa mao’y  nagrepresentar sa kagamhanan sa  pagpirma sa Memorandum of Agreement (MOA) tali sa Philippine Atmospheric, Geophysical and Astronomical Services Administration (PAGASA-DOST), nga girepresentahan sa ilang Administrator/Officer-Incharge, Nathaniel T. Servando, PhD, sa  pag-estabilisar  sa Coastal Weather Monitoring Station ubos sa VSAT End to End Communication Project.

Ang maong ordinansa gipangamahanan ni Konsehal Bernie Esparcia sa Komite sa Climate Change Adaptation and Mitigation and Disaster Risk Reduction ug Komite sa Laws and Rules ni Konsehal Edgar S. Cabanlas.