MoA pagtukod sa teen center giuyonan sa konseho

HINIUSANG giuyonan sa Konseho atol sa sesyon sa Lunes nga gidumala ni Bise Mayor Bebot Rodriguez ang ordinansa nga naghatag og katungod ni Mayor Klarex Uy sa pagpirma sa Memorandum of Agreement (MoA) uban sa Oro Integrated Cooperative ug sa Philippine Southfield School (PSS).

Ang MoA naglangkob sa kolaborasyon  alang sa pagtukod og teen center diha sa Philippine Southfield School, inabagan sa buhatan sa Community Improvement Division.

Ang kolaborasyon nagtinguha sa pag-establisar og facilidad nga motubag sa panginahanglanon sa mga tinun-an alang sa tukmang impormasyon sa sekswalidad ug reproductive health, programa kabahin sa panglawas, mental health, financial literacy ug ilabina ang isyu sa teenage pregnancy ug uban pa.

Samtang sa laing bahin, gipasalamatan ni Konsehal Jing Daba, chairman sa komite sa edukasyon, ang Oro Integrated Cooperative sa pakigtambayayong aron matukod ang maong teen center diha sa napiling tunghaan sa dakbayan. (RNQ/SP)