Konseho mihatag panugot sa derby dihas Indahag Square Garden

MAYORIYANG giuyonan sa Konseho sa Syudad atol sa sesyon niadtong Lunes nga gidumala ni Bise Mayor Bebot Rodriguez ang aplikasyon sa APB Promotion ni Engr. Alvin P. Biton alang sa ilang 6 Bullstag derby sa umaabot March 21 ning tuig diha sa Indahag Square Garden sa Sitio Lomboy Barangay Indahag ning syudad.

Kini human ang tigdumala sa maong bulangan nakaduso sa tanang rekisitos alang sa maong matang sa operasyon subay sa balaod sa syudad.

Ang ordinansa nga gipalabang sa konseho alang sa nasangpit nga katuyoan gipaluyohan sa komite sa games and amusement ni Konsehal Roger Abaday ug sa komite sa pamalaod ug reglamento ni Konsehal Edgar Cabanlas. (MLR/SP)