Konseho mihatag panugot sa derby diha sa Indahag Square Garden

GIUYONAN sa Konseho sa Syudad atol sa sesyon niadtong Lunes nga gidumala ni Bise Mayor Bebot Rodriguez ang aplikasyon sa special permit alang sa pagpahigayon sa 4-Bullstag/Cock Combo Derby sa umaabot April 28 ug 30, ning tuig diha sa Indahag Square Garden, Sitio Lomboy, barangay Indahag, ning syudad.

Kini human ang  tigdumala sa maong bulangan nga si Mr. Ricardo Dumandan nakaduso sa tanang gikinahanlang rekisitos alang sa maong matang sa operasyon subay sa balaod sa syudad.

Ang ordinansa nga gipalabang sa konseho alang sa nasangpit nga katuyoan gipaluyohan sa komite sa games and amusement ni Konsehal Roger Abaday ug sa komite sa pamalaod ug reglamento ni Konsehal Edgar Cabanlas. (MLR/SP)