Konsehal Moreno misugyot pagmugna’g TWG

GISUGYOT ni  Konsehal  Imee Rose P. Moreno  ang pagmugna og Technical Working Group (TWG)  aron motabang sa  pagpanday sa sugyot ordinansa  nga nagdili sa Online Sex Abuse and Exploitation of Children (OSAEC) dinhi sa syudad.

Kini ang gipadayag  sa konsehal  sa hiniusang tigom sa milabayng semana sa Komite sa Social Services ni Konsehal Joyleen Mercedes L. Balaba, Public Order And Safety ni Konsehal Romeo V. Calizo ug Sports and Youth Development ni Konsehal Kenneth Jonh D. Sacala.

Mipasabot si Konsehal Moreno nga gikinahanglan and TWG aron mapadali ang pagkolekta sa datus labina nga mao usab kini ang problema sa City Council for the Protection of Children (CCPC).

Niini, malaumon si Konsehal Moreno nga pinaagi sa pagpalabang sa maong sugyot ordinansa  hingpit nga  maprotektahan ang mga kabataan og kababaehan sa syudad.