top of page

Konsehal Judith misugyot  mabutangan pansayan ang Rio de Oro Boulevard

GIHINGUSGAN ni Konsehal James Judith, Chairman sa Komite sa Arbitration, nga mabutangan og temporaryong pansayan ang Rio de Oro Boulevard nga diin napahimutang ang Night Cafe dihas Tibasak, Barangay Macasandig aron magpabilin ang kahinlo ug malikayan nga bisan asa nalang mopagawas sa ilang hugaw ang katawhan nga gustong mosuroy sa maong dapit.


Councilor James Judith Chairman of Committee on Arbition

Kini ang unod sa special report ni Konsehal Judith atol sa sesyon niadtong Lunes nga gidumala ni Bise Mayor Bebot Rodriguez.


Sumala ni Judith nga nahimo nang usa sa mga tourist destination ang dapit ilabi na sa mga bisita nga gustong motan-aw ug mosuroy sa kaanindot sa palibot gawas nga  anaa usab ang mga baligya sa Night Café.


Niini, gihangyo ni Konsehal Judith nga ang maong sugyot maduso  sa Komite sa Panglawas ni Konsehal Malou Gaane, Komite sa Turismo ni Konsehal Jay Roa Pascual ug Komite sa Trade and Commerce ubos ni  Konsehal Jorge Goking alang sa dugang pagtuon ug rekomendasyon.

1 Comment


pax
Feb 08

d bah standard requirement na sya?🤔

Like
bottom of page