Konsehal Esparcia misugyot pagprayoridad sa Transport Master Plan

“KINAHANGLAN nga ibutang sa unang prioridad  sa syudad  ang Transport Master Plan.”

Kini ang giluwatang pamahayag ni Konsehal Bernie Esparcia atol sa  tigom sa Komite sa Roads and Traffic human girepresentar  ni Engr. Nonito Oclarit, Officer-in-Charge sa Roads and Traffic Administration (RTA)  ang proposed  Transport Master Plan  aron  maaprobahan sa konseho.

Matod sa konsehal  nga sa gidusong plano sa  buhatan, iyang namatikdan nga wala nakalatid ang tinuod nga sitwasyon sa dakbayan ug kinahanglan nga  ilakip  gayud ang mga prayoridad nga problema ug solusyon niini.

Gipasabot usab  ni  Esparcia nga mas maayo nga adunay short term og long term nga solusyon alang sa maong katuyoan  labina nga diha sa mga bag-ong   terminals bisan asa lang gaparking ang  mga  modern jeepneys  nga nakadugang sa problema sa trapiko sa syudad.