top of page

Konsehal Esparcia gitudlong bag-ong chairman sa komite sa climate change

Si Konsehal Bernie Esparcia mao na karon ang bag-ong chairman sa komite sa climate change adaption and mitigation and disaster risk reduction sa Konseho sa syudad.


Kini human ang konseho sa sesyon niadtong Lunes nga gidumala ni Bise Mayor Jocelyn Rodriguez misagop og resolusyon nga nag-reorganisar sa komposisyon sa pipila ka standing committees subay sa Internal Rules of Procedure (House Rules) sa konseho nga nasulod sa Resolution No.14200-2022.

Tipik sa tahas sa komite ang pagtuki sa mga isyu sa climate change, pagmugna og framework strategy mahitungod sa climate change nga diin maoy basihan sa pagpatuman og mga programa, plano, pagtu-on, pagpalambo ug pagmatikod sa mga kalihukan sa kausaban sa klima.


Mao usab kini ang manguna sa pagsabwag sa mga impormasyon kalabot sa climate change labina sa mga mahinungdanong lakang ug mga protocols nga angayang sundon sa katawhan.


Ang komite ni Konsehal Esparcia mao usab ang morekomendar og mga balad-onon, palisiya, estratehiya ug uban pang lakang nga may kalabutan sa pagtubag sa climate change nga kasamtangang gisagubang karon sa katawhan.



Kommentare


bottom of page