top of page

Konsehal Abaday nangusog hingpit mahipos spaghetti wires sa kadalanan

GIHINGUSGAN ni Konsehal Roger Abaday, Chairman sa Komite sa Environment, nga hingpit  mahipos o malimpyo kining mga spaghetti wires o kable nga gabitay bitay sa kadalanan nga  nakaperwisyo sa katawhan labina sa mga motorista.


Councilor Roger Abaday Chairman of Committee on Environment

Kini ang unod sa special report sa konsehal sa sesyon sa Konseho niadtong Lunes nga  gidumala ni Bise Mayor Bebot Rodriguez. Mibutyag  ang konsehal nga, hangtod sa kasamtangan, ana-a pa gihapoy  makita sa kadalanan nga gabitay-bitay nga wire o kable sa kuryente ug sa telecommunication company nga nakahatag og peligro sa kabtangan ug sa kinabuhi.


A picture of  spaghetti wires in the city

Gipasabot usab ni Konsehal Abaday nga gawas nga daghan na ang nadisgrasya gumikan sa maong mga wires, siya mismo ang nakasinati  human ang side mirror sa iyang sakyanan ang naguba human kini nasangit sa  nagbitay nga kable, butang nga iyang gikadismaya.


Sa iyang bahin, mibutyag si Bise Mayor Rodriguez nga aduna na siya’y giduso nga sugyot ordinansa kalabot pag-instalar og underground wiring system arun nga masolbad ang problema sa spaghetti wires hinungdan iyang gihangyo nga mapresentar na kini sa hintungdang komite.


Niini, giduso ni Bise Mayor Rodriguez ang maong special report ngadto sa Komite sa Energy ubos ni Konsehal Aga Suan alang sa dugang  aksyon ug rekomendasyon.

Comentarios


bottom of page