Komite sa trade magtigom

MAGTIGOM karong Huwebes, Marso 26 sa alas 9:00 ang takna sa kabuntagon ang komite sa trade and commerce ubos ni Konsehal George Christopher Goking.

Tipik sa tukion sa komite mao ang sugyot ordinansa nga magmugna sa express lane system diha sa pantalan sa Macabalan, ning syudad.

Mahinumdoman nga si Konsehal Goking mitaho nga kini ang nakitang solosyon sa kalangan sa pagdiskarga sa mga bugas ug uban pa diha sa Macabalan Port.

Gitumong kini aron dili mabalda ang suplay sa nag-unang palaliton diha sa kamerkadohan sa dakbayan.

Gidapit sa komite sa pagtambong sa maong tigom  aron madungog ang ilang mga hunahuna ug opinion sila si City Administrator Atty. Hilario Raagas, City Legal Officer Atty. Kenneth Tamala, City Agriculturist OIC Engr. Berni Daba, DA-RFO-10 Director Jose Apollo Pacamalan, DTI-Mis. Or. Director Jesusa Abear, Oroport Cargo Handling Services Head of Operations Sonny Sebellino, NFA Grain Supervisor Katherine Marohombsar, PPA Port Harbor Master Capt. Kirk Lumayag and Bureau of Plant industry OIC Arnold Dela Cruz, Jr.

Gipaabot usab nga motambong sa tigom sila si Konsehal Jing Daba, Yvy Emano, Des Dahino, Paolo Nicolo Gaane, Edgar Cabanlas, Aga Suan, ug Bise Mayor Bebot Rodriguez. (RNQ/SP)