Express lane system ordinance diha sa Macabalan port gisugyot ni Goking

SI Konsehal George Christopher Goking, chairman sa komite sa trade and commerce, kusganong misugyot sa paghimo sa usa ka ordinansa nga magmugna sa express lane system diha sa , ning syudad atol sa sesyon niadtong Lunes nga gidumala ni City Vice Mayor Bebot Rodriguez.

Kini ang nakita nga solusyon sa konsehal aron magseguro nga mauna ang pagdiskarga, pag-inspeksyon, pagdokumento ug pag-release sa imported nga bugas ug uban pang giila nga importante ug nag-una nga panginahanglanon sama sa tambal.

Sa miaging mga adlaw, adunay pagkabalaka nga ang mga barko nga nagdala og bugas mahimong makasugat ug mga paglangan sa pagdunggo ug pagdiskarga ug mahimong makaapekto sa lokal nga suplay ug sa kinatibuk-ang seguridad sa pagkaon sa siyudad.

Ang bugas usa sa nag-una nga palaliton. Kon walay bugas sa bodega sa syudad, magmahal ang bugas nga, ug ang direktang maapektohan ang mga panimalay ilabina sa low income sector, sumpay ni Goking.

Niini, hugot siyang misugyot sa pag-institutionalize sa mekanismo aron masiguro ang pagdiskarga sa mga palaliton diha sa pantalan.

Ang maong taho giduso ni Bise Mayor Bebot Rodriguez ngadto sa komite sa agriculture ni Konsehal Antuy Pascual ug sa komite sa trade and commerce ni Konsehal Goking. (RNQ/SP)