Kaso sa Leptospirosis dihas merkado publiko dili tinuod – Cabanlas

“Naghatag kami og dugang nga gibug-aton sa kalimpyo sa mga publikong merkado sa syudad. Wala man nagkulang sa pagpahinumdom ngadto sa tanang mamaligyaay nga mintinahon ang kahindik sulod ug gawas niini.”

Kini ang gibutyag ni Konsehal Edgar Cabanlas, majority floor leader sa Konseho atol sa miaging programa,  ‘Inyong Konseho Karon’.

Matod sa konsehal nga nigasto pa gani sila sa pagpintal ug pag ayo sa mga stall aron mas mahimong presentable ang kamerkadohan sa syudad.

Anaa usab nagpadayon ang regular flushing ug fumigation diha sa merkado publiko aron mangamatay ang mga mananap sama sa ilaga ug epektibo kini kaayo nga gihimo uban sa mga opisyal ug kawani sa Bureau of Fire Protection ug sa City Economic Enterprises and Business Development Administration (CEEBDA).

“Nakurat ug nasubo lamang kita sa isyu nga adunay giingong kaso sa leptospirosis diha sa atong merkado publiko taliwala sa pagpaningkamot sa dakbayan kay ang merkado dili man lamang alang sa ganansya kondili alang sa pag-alagad sa atong katawhan,” matod sa konsehal.

“Laing fake news na usab kini,” dugtong niya.

Nanghinaut si Cabanlas nga sutaon una pag-ayo ang maong isyu, ug magmatngon sa mga taho nga makapaalarma sa publiko. (RNQ/SP)