Konseho mitugot sa redevelopment merkado sa Puerto, Cogon

GILANTAW nga mahatagan og dugang kalamboan ang duha ka merkado publiko sa dakbayan sa Cagayan de Oro.

Kini human giuyonan sa konseho atol sa regular sesyon niadtong Lunes nga gidumala ni Bise Mayor Bebot Rodriguez ang resolusyon nga nagtugot ni Mayor Klarex Uy nga makigsabot sa bisan unsang inila nga mga pribadong kompanya, korporasyon o’ kontraktor alang sa pag-ayo o pag-redevelop sa Puerto Market ug Cogon Market ubos sa Build, Operate and Transfer (BOT) scheme.

Matod ni Konsehal Edgar Cabanlas nga kinahanglan natong ikonsiderar ang usa ka moderno ug alternatibong pamaagi mao ang pagtugot sa pribadong sektor nga maoy modumala sa duha ka merkado publiko sa siyudad.

Giklaro sa konsehal nga usa lamang kini ka negosasyon o’ eksplorasyon apan ang pag-aprobar kon unsa man galing ang nasabotan kinahanglan moagi sa Konseho. (RNQ/SP)