top of page

Kaarangan sa kinabuhi, makab-ot pinaagi sa saktong taras – Moreno

Adunay paglaum.


Mao kini ang awhag ni Konsehal Imee Moreno, chairman sa komite sa women and family relations, sa tanang kababaehan niining nagpadayong kasaulogan sa Women’s Month.


Matod niya nga kuyog sa saktong panahon, saktong kahigayonan ug saktong taras, mahimong maangkon ang kaarangan sa matag indibidwal.


Kun aduna may kalisdanan nga kasamtangang natagamtaman, ato kining mabuntog ug makab-ot ang kalamboan inubanan sa paningkamot ug pagsalig sa Ginoo, dugang ni Moreno.


Niini, siya mipadayag sa iyang pagdayeg ug pasalamat sa tanang kababaehan sa padayong paningkamot nga maangkon gayud ang kaarangan dili lang sa tagsa tagsa ka kinabuhi kun dili lakip sa kinabuhi sa mga sakop sa pamilya ug sa kauban sa komunidad.


Ang Women’s Month gisaulog dili lang dinhi sa dakbayan kun dili sa tibouk kalibutan.


Comentários


bottom of page