top of page

Hingpit nga pagpatuman sa Green Bldg Code gisuportahan


Maayo kini nga sugyot balaodnon nga giduso ni Bise Mayor Bebot Rodriguez sa tinguha nga masagop ang mga lakang nga magpatuman sa hingpit sa Philippine Green Building Code dinhi sa syudad.


Kini ang gibutyag ni Konsehal John Michael Seno, chairman sa komite sa Climate Change Adaptation and Mitigation and Disaster Risk Reduction, sa milabayng tigom dala ang hangyo sa buhatan sa Building Official nga mapadali ang ilang rekomendasyon alang sa maong katuyoan.


Sa tigom sa komite, si Konsehal Bernie Esparcia namahayag nga angayang mapadali ang pagpalabang sa balaodnon kay dako kini og ikatabang sa pagproteher sa kinaiyahan. Siya midugang nga ang komite sa planning and innovation ni Konsehal Ian Mark Nacaya nagpanday usab og susamang balaodnon diin ang Xavier University nagpresentar og maayong research.


Niini, giduso ni Seno ngadto sa komite sa planning and innovation ang sugyot balaodnon sa bise mayor alang sa dugang pagtuon ug rekomendasyon.

Comentarios


bottom of page