Goking nagpahinumdom sa deadline sa biz permit renewal

NAGPAHINUMDOM si Konsehal George Christopher Goking, chairman sa komite sa trade and commerce, ngadto sa tanang negosyante sa dakbayan nga hangtod sa Marso 31 na lamang ang paglukat sa lisensiya ug pag-renew sa mga business permit.

Nunot kini sa hiniusang sulat-hangyo gikan sa mga negosyante sa siyudad ug subay usab sa Ordinance No. 15287-2026 nga naglugway sa deadline gikan sa Enero 20 ngadto sa Marso 31, 2026.

Matod sa konsehal nga mas gipasayon ang proseso sa paglukat sa business permit pinaagi sa online application gamit ang website sa City Finance Department nga https://citytreasurer.cagayandeoro.gov.ph aron dali ug paspas ang transaksyon ug diha mismo sa Business One-Stop Shop (BOSS) sa City Hall.

Niini, hugot nga nanawagan ang konsehal ngadto sa tanang negosyante sa pagrenew aron malikayan ang pagmulta o surcharges sa ilang mga business permit. (RNQ/SP)