Goking mipahalipay sa mga bag-ong namunoan sa PAF-TO 10

DAKO ang pahalipay ni Konsehal George Goking sa mga bag-ong natudlong opisyal sa Philippine Air Force, Tactical Operations 10, Wing Eastern Mindanao.

Kini human gihimo ang Turnover Ceremony didto sa Brgy. Bancase, Butuan City kagahapong adlawa.

Sa mensahe ni Goking, usa ka PAF Reservist, iyang gipaabot nga gikinahanglan ang pagmintinar sa kahusay ug kalinaw dala ang panghinaut nga mapadayon ang mga outreach program nga nasugdan na sa ahensya sa kagamhanan aron maserbisyohan ang katawhan.

Nanghinaot usab ang konsehal nga ang mga kalihokan sa ahensya magpadayon ilabina ang mga programa dinha sa pagmintinar sa kahusay ug kalinaw nga gilantawng magdala og dugang kalamboan sa natad sa ekonomiya.