top of page

Goking gipasidunggan sa pagsuporta mapasayon pagnegosyo dinhi’s CDO

USA si Konsehal George Goking, Chairman sa Komite sa Trade and Commerce, sa mga gipasidunggan sa buhatan ni Presidente Ferdinand Marcos gumikan sa walay puas nga pagsuporta sa mga lakang nga mapasayon ang pagnegosyo dinhi sa dakbayan sa Cagayan de Oro. Kini samtang gipahigayon ang Ease of Doing Business (EODB) Summit diha sa Limketkai Luxe Hotel karong adlawa.


Ang maong lakang pinasubay sa Akta Republika No. 11032 kon Ease of Doing Business and Efficient Government Service Delivery Act of 2018, usa ka balaod nga nagpatuman sa mga giya ug palisiya aron mapasayon ang pagbayad o’ pagproseso sa mga gikinahanglang lisensiya o’ panugot sa pagnegosyo dinhi sa syudad.


Sa maong pasidungog, giila sa nasudnong kagamhanan ang dakong naamot ni Goking sa kalamboan sa syudad ingon man sa nasud.


Niini, si Goking namahayag sa iyang padayong pagsuporta sa pagpatuman sa mga balaod ug palisiya nga maghatag sa katawhan sa patas nga kahigayonan sa pagnegosyo.

Comentarios


bottom of page