Esparcia misuporta sa mga mag-uuma sa Mambuaya

“LET us support our farmers.”

Mao kini ang gipadayag ni Konsehal Bernie Esparcia, Chairman sa Komite sa Climate Change, atubangan sa katawhan ug mga bag-ong napili nga opisyal sa Barangay Mambuaya.

Sa maong higayon, gipasalig sa konsehal nga iyang suportahan ang mga mag-uuma ug mopahigayon sa angayang konsultasyon aron masayran kun unsay posibleng matabang o’ matunol nga serbisyo ngadto kanila.

Gawas niini, gipaninguha usab ni Esparcia nga mabuhi ug mapanumbalik ang bamboo livelihood sa dapit aron matabangan ang katawhan nga mapalambo ang ilang kapanginabuhian.