Dugang kalamboan matagamtaman sa Barangay Puntod

DUGANG kalamboan ang matagamtaman sa katawhan sa Barangay Puntod ning dakbayan.

Kini human ang konseho sa sesyon niadtong Lunes nga gidumala ni Bise Mayor Bebot Rodriguez hiniusang  misagop sa resolusyon nga nag-uli sa ordinansa  sa Puntod nga may kalabutan sa ilang 2026 Annual Budget.

Tipik sa gigahinan ug gihatagan sa prioridad sa barangay sa maong budget mao ang pagtukod og foot bridge diha sa Distrito 1 ug 7, pag-instalar og dugang suga sa kadalanan ug pagtukod og drainage cover sa tibook barangay.

Migahin usab ang barangay og igong pundo  alang paghinlo sa  mga kanal libot sa barangay, pagtukod og material recovery facility, pagrehabilitar sa ilang multi-purpose hall, pagtukod og pathways ug  uban pang proyekto  nga gilantawng maghatag kaarangan sa kinabuhi sa ilang mga residente.

Ang resolusyon nga gisagop sa konseho alang sa maong katuypan gipaluyohan sa komite sa barangay affairs ni Konsehal Marlo Tabac ug komite sa pamalaod ug reglamento ubos ni Konsehal Edgar Cabanlas. (JRG/SP)