Aplikasyon sa derby sa Indahag Square Garden tukion sa komite sa games

HISGOTAN sa umaabot tigom sa komite sa games ni Konsehal Moreno Daba IV ang aplikasyon sa Indahag Square Garden alang sa ilang Pre-Fiesta 5 Stag Derby karong umaabot Agosto 15 ning tuig.

Kini human gisumite ni Mr. Nilo Singsing, tagdumala sa maong bulangan, ang tanang gikinahanlang rekisitos alang sa maong matang sa operasyon subay sa balaod sa syudad.

Ang nasangpit nga kalingawan alayon sa nagsingabot nga kapistahan ni Sr. San Agustin, ang patron sa sa Dakbayan sa Cagayan de Oro.

Niini gidapit nga motambong sa ipahigayong tigom ang representante sa City Legal, City Administrator, City Finance, ug  Regulatory Compliance Board aron mopaambit sa ilang panahom ug opinyon. (MLR/SP)