Annual Budget sa SK Puerto giaprobahan sa Konseho

HINIUSANG gisuportahan sa Konseho sa Syudad ubos ni Bise Mayor Bebot Rodriguez ang mga programa sa kabatan-onan sa Barangay Puerto.

Sa sesyon kagahapon, gisagop sa konseho ang Resolution No. 247-2026 nga nag-uli sa resolusyon sa maong barangay nga may kalabutan sa SK Annual Budget nga mokabat sa P2,339,397 gikan sa Enero ngadto sa Disyembre ning kasamtangang tuig.

Tipik sa gigahinan sa maong budget ang mga programa alang sa panglawas balor P60 mil, edukasyon balor P200 mil, environment, P30 mil, global mobility, P100 mil ug active citizenship, P500 mil.

Migahin usab ang barangay sa kantidad P80 mil alang sa peace building & security ug P80 mil alang sa social inclusion & equity.

Ang resolusyon nga gisagop sa konseho alang sa maong katuyoan gipaluyohan sa komite sa youth and sports development ni Konsehal Kenneth John Sacala ug komite sa palamaod ug reglamento ubos ni Konsehal Ed Cabanlas. (JRG/SP)