Ang pag-ampo usa ka komunikasyon tali kanimo ug sa Diyos – Cabanlas

“The song is very good, the intention of Councilor Girlie Balaba is also very good. But prayer is different because its personal relation between you and your God.

Kini ang gibutyag ni Konsehal Edgar Cabanlas, majority floor leader sa Konseho, atol sa sesyon niadtong Lunes nga gidumala ni Bise Mayor Bebot Rodriguez agig reaksyon sa sugyot ni Konsehal Girlie Balaba sa pagsagop sa komposisyon ni Datu Rodelio “Waway” Saway isip opisyal nga invocation song sa Cagayan de Oro City.

Matod ni Cabanlas nga wala kini gipraktis tungod kay ang matag usa adunay kaugalingong paagi sa pag-ampo. 

Isip usa ka practicing lawyer sa daghang mga tuig, kanunay akong nagtuo sa kagawasan sa pagpili, sumpay sa majority leader.

“Ang tagsulat usa ka bantog nga awtor, kompositor apan alang kanako dili kini hinungdan sa pagsagop sa iyang kaugalingon nga panghunahuna sa pag-ampo sa Diyos tungod kay ang pag-ampo usa ka suod nga komunikasyon tali kanimo ug sa Diyos,” dugang ni Cabanlas.

Nagtuo pud siya nga naay kaugalingong pag-ampo ang matag miyembro sa konseho arun madungog kon giunsa nila pag-ampo ug para dili uniporme ug mahimong redundant.

Niini, kusganong gihangyo ni Konsehal Cabanlas nga ang maong pagsagop maestudyohan pag-ayo sa mga hintungdang komite sa konseho. (RNQ/SP)